Hanfod y Marc Ansawdd ar gyfer Gwaith Ieuenctid yng Nghymru yw helpu grwpiau a sefydliadau i adnabod, disgrifio a dathlu eu gwaith gyda phobl ifanc. Mae aseswyr y Marc Ansawdd yn chwarae rôl hanfodol yn hyn o beth.

Beth mae asesydd y Marc Ansawdd yn ei wneud?

Fel asesydd y Marc Ansawdd, byddwch yn rhan o dîm sy'n gwirio ansawdd arfer gwaith ieuenctid yn allanol.

Gan weithredu fel mentor, byddwch yn cefnogi eraill wrth iddynt weithio tuag at gyflawni'r Marc Ansawdd. Byddwch hefyd yn chwarae rôl allweddol o ran adnabod, hyrwyddo a dathlu arferion da.

Mae aseswyr y Marc Ansawdd yn ymgymryd â'r rôl yn wirfoddol. Os cewch eich dewis i weithredu fel asesydd arweiniol, cewch eich talu am eich amser.

Yr hyn rydym yn chwilio amdano mewn asesydd

Nid oes angen cymhwyster penodol arnoch i ddod yn asesydd. Ond mae'n helpu os ydych yn angerddol am ddathlu gwaith ieuenctid yng Nghymru a bod gennych ddiddordeb mewn sicrhau ansawdd.

Bydd gennych bersonoliaeth fywiog a chyfeillgar ac:

• o leiaf 5 mlynedd o brofiad o weithio gyda phobl ifanc
• sgiliau arsylwi a dadansoddi rhagorol
• anian gefnogol a chydweithredol

Manteision bod yn aseswr

Bydd bod yn aseswr yn caniatáu i chi:

• rannu arferion da a dysgu wrth eraill
• cyfrannu at ddatblygu gwaith ieuenctid
• gwella'ch sgiliau arwain a chyfathrebu
• adeiladu ar eich rhwydwaith presennol o berthnasau proffesiynol
• cynyddu eich gwybodaeth a'ch ymwybyddiaeth o'r sector gwaith ieuenctid

Gwyliwch aseswyr y Marc Ansawdd yn siarad ynghylch sut mae'r cyfle wedi effeithio ar eu harfer nhw.

Darllen y canllawiau am fod yn asesydd Marc Ansawdd

Sut i ymgeisio

Os ydych yn ymrwymedig i wella gwaith ieuenctid yng Nghymru, ac yn teimlo’ch bod yn gallu cynnig yr hyn sy’n ofynnol i fod yn aseswr, rydym yn eich annog i gwblhau ein ffurflen gais fer. 

Canllawiau ar gyfer Aseswyr

Canllaw Asesu Arsylwadol y Marc Ansawdd ar gyfer Gwaith Ieuenctid

Arweiniad ar Ysgrifennu Adroddiadau

Rydym yn gweinyddu'r Marc Ansawdd ar gyfer Gwaith Ieuenctid yng Nghymru (MAGI), mewn partneriaeth â Safonau Addysg Hyfforddiant (ETS) Cymru, Cyngor Cymreig y Gwasanaethau Ieuenctid Gwirfoddol, Grŵp Prif Swyddogion Ieuenctid Cymru a Chylch Asiantaethau Hyfforddiant Cymru.

Mae’r Marc Ansawdd yn adnodd unigryw ar gyfer hunanasesu, cynllunio gwelliant ac ennill marc ansawdd am waith ieuenctid. Mae’n cefnogi ac yn cydnabod safonau sy’n gwella mewn darpariaeth, ymarfer a pherfformiad sefydliadau sy’n cyflwyno gwaith ieuenctid, gan ddangos a dathlu rhagoriaeth eu gwaith gyda phobl ifanc.

Mae’r Marc Ansawdd yn cynnwys dwy elfen wahanol:

• cyfres o Safonau Ansawdd y gall sefydliadau gwaith ieuenctid eu defnyddio fel adnodd ar gyfer hunanasesu a gwella
• marc ansawdd wedi’i asesu’n allanol sy’n ddyfarniad cenedlaethol i ddangos rhagoriaeth sefydliad

Mae 38 o sefydliadau gwaith ieuenctid yng Nghymru wedi cyflawni’r Marc Ansawdd. Os hoffech gofrestru eich diddordeb ar gyfer asesiad allanol y Marc Ansawdd, cwblhewch ffurflen mynegi diddordeb.

Gwyliwch deiliad presennol y Marc Ansawdd yn rhannu buddion y Marc Ansawdd.

Ystyried cymryd rhan yn y Marc Ansawdd?

Mae ein modiwl e-ddysgu wedi ei greu i helpu adeiladu ar eich gwybodaeth am y Marc Ansawdd, pam ei fod yn bwysig a’i gynnwys. Dechrau’r modiwl.

O bersbectif yr ifanc: proses asesu MAGI

Mae'r fideo byr yma, a gynhyrchwyd gan MAD Abertawe, yn tywys pobl ifanc sy'n ymgymryd â'r Marc Ansawdd ar gyfer Gwaith Ieuenctid (MAGI) yng Nghymru , trwy'r broses asesu.

Safonau ansawdd a dogfennau arweiniad

Y Marc Ansawdd: cyflwyniad a chanllawiau

Y Marc Ansawdd: lefel aur

Y Marc Ansawdd: lefel arian

Y Marc Ansawdd: lefel efydd

Os oes gyda chi unrhyw ymholidau, This email address is being protected from spambots. You need JavaScript enabled to view it..

Adroddiad gwerthuso Marc Ansawdd ar gyfer Gwaith Ieuenctid

Gwerthusiad o waith Cyngor y Gweithlu Addysg ar y Marc Ansawdd ar gyfer Gwaith Ieuenctid a’i ddatblygiad yn y sector ieuenctid yng Nghymru.

Arolwg Ôl-asesiad y Marc Ansawdd ar gyfer Gwaith Ieuenctid