Term

Ystyr

Tystiolaeth

Y ddogfennaeth i gefnogi’r hyn rydych chi’n dweud eich bod yn ei wneud. Gallai hyn gynnwys polisïau, adroddiadau, posteri ac ati.

Disgrifiadau gradd

Mae’r rhain yn esbonio pa mor dda y mae sefydliad yn ei wneud yn erbyn pob dangosydd. Maent wedi’u rhannu’n arfer dda, angen rhywfaint o ddatblygiad ac angen datblygiad sylweddol.

Llywodraethu

Llywodraethu yw’r term ar gyfer y ffordd y mae grŵp o ymddiriedolwyr, bwrdd llywodraethwyr, neu gyngor, yn gwneud pethau. Mae llawer o grwpiau’n creu pwyllgor i benderfynu sut bydd pethau’n cael eu gwneud. Llywodraethu hefyd yw sut mae penderfyniadau’n effeithio ar bobl yn y sefydliad hwnnw.

Effaith

Dyma’r gwahaniaeth y mae gweithred neu weithgaredd yn ei wneud i fywyd pobl ifanc o ganlyniad i’r rhaglenni gwaith ieuenctid.

Dangosyddion

Dyma’r mesur y mae angen ei gyrraedd neu ei gynnal.

Dysgu anffurfiol

Dysgu sy’n arwain o weithgareddau dyddiol yn gysylltiedig â gwaith, teulu neu hamdden. Nid yw wedi’i drefnu. Gan amlaf, mae dysgu anffurfiol yn anfwriadol. Er enghraifft, dysgu o brofiad, meithrin sgil ar ôl hyfforddi chwaraeon.

Dysgu nad yw’n ffurfiol

Mae addysg nad yw’n ffurfiol yn cyfeirio at addysg sy’n digwydd y tu allan i’r system ysgol ffurfiol. Er enghraifft, mynd i grŵp y Sgowtiaid neu yn ystod gweithgaredd mewn clwb ieuenctid

Rheoli perfformiad

Dull rheolaidd, wedi’i gynllunio, ar gyfer helpu sefydliad i gyflawni ei nodau a’i amcanion trwy fonitro a gwella perfformiad unigolion, a’r sefydliad yn ei gyfanrwydd.

Marc Ansawdd

Dyfarniad cydnabyddiaeth ar gyfer cyflawni safon osodedig.

Safonau ansawdd

Bodloni meini prawf gosod yr hyn a ddisgwylir o sefydliad gwaith ieuenctid. Mae pedair safon ansawdd fesul lefel.

Hunanasesu

Dyma pryd y gall sefydliadau adolygu ble maen nhw arni a beth sydd ar waith ganddynt ar hyn o bryd, cyn yr asesiad. Gallant nodi cryfderau a gwendidau, a dathlu’r hyn sy’n mynd yn dda a pha mor dda yw’r ddarpariaeth gwaith ieuenctid. Hefyd, gallant ddangos beth yw barn pobl ifanc am y sefydliad.