Os bydd pwyllgor priodoldeb i ymarfer yn gosod gorchymyn disgyblu ar gofrestriad ymarferwr addysg, bydd hysbysiad yn ymddangos yma. Bydd yr hysbysiad yn parhau am gyfnod o 6 mis o’i ddiwrnod cyhoeddi.
Mae Cyngor y Gweithlu Addysg, fel y’i cyfansoddir o dan Ddeddf Addysg (Cymru) 2014, fel y’i diwygiwyd, trwy hyn yn hysbysu fod gorchymyn disgyblu wedi’i osod ar gofrestriad y canlynol, yn unol â Rheol 31 ei Weithdrefnau a Rheolau Disgyblu Gorffennaf 2024 .
Ar gyfer ymholiadau'r wasg,
Adrian Roberts - 26 Mehefin 2024
Dyddiad cyhoeddi: 28 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 24, 25, a 26 Mehefin 2024, wedi canfod bod honiadau o ymddygiad proffesiynol annerbyniol wedi eu profi yn erbyn athro a gweithiwr cymorth dysgu, Adrian Roberts.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Roberts:
- rhwng mis Ionawr 2019 a mis Mai 2021, wedi gwneud sylwadau amhriodol a/neu ystumiau tuag at ddisgybl ar un neu fwy o'r achlysuron canlynol:
- ym mis Mawrth 2020, yn ystod trafodaeth gyda Disgybl C, ynghylch llofnod Disgybl G wedi dweud 'os fyddech chi'n ychwanegu K ato...mae 'na ystyr hollol wahanol', neu eiriau gyda'r ystyr yna
- yn ystod tymor y gwanwyn 2019 wedi dweud 'fi'n gobeithio mai dyna'r unig beth ti'n gwneud lawr fana' neu eiriau gyda'r effaith yna, pan wnaeth Disgybl D blygu lawr i ôl pensil
- ar neu o gwmpas Tachwedd 2019, yn ffreutur yr ysgol, wedi edrych o gorun i sawdl Disgybl D a wincio arni
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Roberts oddi ar y Gofrestr o Ymarferwyr Addysg am gyfnod penagored yng nghategori athro ysgol a gweithiwr cymorth dysgu ysgol. Penderfynodd hefyd na fyddai Mr Roberts yn cael gwneud cais i'w adfer i'r Gofrestr Ymarferwyr Addysg cyn bod cyfnod o 2 blynedd wedi treiglo. Os na wnaiff Mr Roberts wneud cais llwyddiannus ar gyfer cymhwyster i'w adfer i'r Gofrestr ar ôl 26 Mehefin 2026, bydd wedi ei wahardd am gyfnod penagored.
Mae gan Mr Roberts yr hawl i apelio i'r Uchel Lys o fewn 28 diwrnod.
Robert Walker - 26 Mehefin 2024
Dyddiad cyhoeddi: 28 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 24, 25, a 26 Mehefin 2024, wedi canfod bod honiad o ymddygiad proffesiynol annerbyniol wedi ei brofi yn erbyn athro addysg bellach, Mr Robert Walker.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel Darlithydd yng Ngholeg Pen-y-bont, bod Mr Walker wedi caniatáu i ddysgwyr ddefnyddio cyfrifiannell mewn arholiad Cymhwyso Rhif pan roedd yn gwybod nad oedd hawl gwneud hyn, ar yr achlysuron hyn:
- 29 Mawrth 2023, 11:00 hyd 12:00
- 29 Mawrth 2023, 13:00 hyd 14:00
- 31 Mawrth 2023, 12:15 hyd 13:15
Ar ôl gwneud y canfyddiadau hyn, penderfynodd y Pwyllgor bod ymddygiad Mr Walker yn anonest, ac yn arddangos diffyg hygrededd.
Rhoddodd y Pwyllgor Priodoldeb i Ymarfer Gerydd ar gofrestriad Mr Walker fel athro addysg bellach am gyfnod o 2 flynedd (rhwng 26 Mehefin 2024 a 26 Mehefin 2026). O'r herwydd, bydd Mr Walker yn gallu gweithio fel person cofrestredig (athro addysg bellach) sy'n darparu gwasanaethau penodol mewn neu ar gyfer sefydliad addysg bellach yng Nghymru.
Mae gan Mr Walker yr hawl i apelio i'r Uchel Lys o fewn 28 diwrnod.
Charlotte Ann Farrell – 17 Mehefin 2024
Dyddiad cyhoeddi: 28 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn breifat ar 17 Mehefin 2024, wedi canfod bod honiadau o ymddygiad proffesiynol annerbyniol wedi eu profi yn erbyn gweithiwr cymorth dysgu, Charlotte Ann Farrell.
Canfu'r Pwyllgor Priodoldeb i Ymarfer bod yr honiadau canlynol wedi eu profi: ar 25 Gorffennaf 2022, bod plentyn yng ngofal Ms Farrell wedi eu gadael ar ben eu hun, ac o ganlyniad bod Ms Farrell wedi derbyn rhybudd am drosedd yn erbyn adran 1(1) Deddf Plant a Phobl Ifanc 1933.
Rhoddodd y Pwyllgor Priodoldeb i Ymarfer Gerydd ar gofrestriad Ms Farrell fel gweithiwr cymorth dysgu ysgol am gyfnod o 2 flynedd (rhwng 17 Mehefin 2024 a 17 Mehefin 2026). O'r herwydd bydd Ms Farrell yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Ms Farrell yr hawl i apelio i'r Uchel Lys o fewn 28 diwrnod.
Allison Davies - 5 Mehefin 2024
Dyddiad cyhoeddi: 12 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 3, 4 a 5 Mehefin 2024, wedi canfod bod honiadau o ymddygiad proffesiynol annerbyniol wedi eu profi yn erbyn gweithiwr cymorth dysgu, Allison Davies.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel cynorthwyydd addysgu yn Ysgol Gynradd Gadeiriol Sant Joseff, bod Mrs Davies:
- ar 17 Chwefror 2022, yn ystod galwad ffôn foreuol gyda Chydweithiwr 3, nad oedd ganddi ffôn pan ofynnwyd oes oedd hi'n gwybod rhywbeth amdano
- yn ystod galwad ffôn yn ddiweddarach ar 17 Chwefror 2022, wedi rhoi gwybod i Gydweithiwr 3:
- ei bod wedi dod o hyd i'r ffôn symudol y diwrnod hwnnw, pan nad oedd hyn yn wir
- bod Cydweithiwr 1 wedi ei chynorthwyo i ddod o hyd i'r ffôn symudol, pan nad oedd hyn yn wir.
Ar ôl gwneud y canfyddiadau hyn, penderfynodd y Pwyllgor bod ymddygiad Mrs Davies yn anonest.
Rhoddodd y Pwyllgor Priodoldeb i Ymarfer Gerydd ar gofrestriad Mrs Davies fel gweithiwr cymorth dysgu ysgol am gyfnod o 2 flynedd (rhwng 5 Mehefin 2024 a 5 Mehefin 2026). O'r herwydd bydd Mrs Davies yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mrs Davies yr hawl i apelio i'r Uchel Lys o fewn 28 diwrnod.
Katie Walsh - 24 Mai 2024
Dyddiad cyhoeddi: 4 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 20, 21, 22, 23 a 24 Mai 2024, wedi canfod bod honiad o ymddygiad proffesiynol annerbyniol wedi ei brofi yn erbyn athrawes ysgol, Katie Walsh.
Canfu'r Pwyllgor Priodoldeb i Ymarfer bod yr holiadau canlynol wedi ei brofi, tra ei fod wedi ei gyflogi fel athro ysgol ac arweinydd y cyfnod sylfaen yn Ysgol Gynradd Raglan, fe wnaeth Mrs Walsh:
- rhwng tua 2018 a 2021, arddangos ymddygiad tuag at un neu fwy o gydweithwyr gan gynnwys Cydweithiwr A a Chydweithiwr B oedd yn:
- fygythiol
- tanseilio
- bychanol
- o natur bwlio
- ar neu o gwmpas Hydref 2020, wedi dweud, o ran Disgybl B, ac o fewn clyw plant Bl4, bod Disgybl B yn ymddwyn "fel bach o t***" neu eiriau gyda'r effaith yna
- ar un neu fwy achlysur rhwng tua 2017 a 2021, ymddwyn mewn modd digywilydd a/neu ymosodol a/neu nawddoglyd tuag at gydweithiwr gan gynnwys:
- ar neu o gwmpas 2017 neu 2018, wrth siarad gyda Chydweithiwr F o flaen ei dosbarth
- rhwng Ebrill a Mai 2020, yn ystod sgwrs ffôn a neu drafodaethau personol gyda Chydweithiwr D
- ar 22 Tachwedd 2021, yn ystod cyfarfod gyda Chydweithiwr E
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mrs Walsh oddi ar y Gofrestr o Ymarferwyr Addysg am gyfnod penagored yng nghategori athro ysgol. Penderfynodd hefyd na fyddai Mrs Wales yn cael gwneud cais i'w hadfer i'r Gofrestr Ymarferwyr Addysg cyn bod cyfnod o ddwy flynedd wedi treiglo. Os na wnaiff Mrs Walsh wneud cais llwyddiannus i'w hadfer i'r Gofrestr ar ôl 24 Mai 2026, bydd wedi ei gwahardd am gyfnod penagored.
Mae gan Mrs Walsh yr hawl i apelio i'r Uchel Lys o fewn 28 diwrnod.
Richard Coombs - 23 Mai 2024
Dyddiad cyhoeddi: 4 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 21, 22 a 23 Mai 2024, wedi canfod bod honiad o ymddygiad proffesiynol annerbyniol wedi ei brofi yn erbyn athrawes ysgol, Richard Coombs.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Coombs:
- rhwng Mehefin 2021 a Mawrth 2022, wedi ymddwyn mewn modd amhriodol a/neu ddefnyddio grym gorfodol yn erbyn Person A, ar fwy nag un achlysur fe wnaeth:
- gydio ym mraich/breichiau a/neu arddwrn/arddyrnau Person A
- daflu a/neu wthio Person A
- ddal a/neu gydio yn llwnc a/neu wddf Person A
- gwthio a/neu wasgu Person A ar ochr eu pen
- slapio Person A ar eu hwyneb a/neu eu trwyn
- pinio a/neu ddal Person A ar y llawr
- ar neu gwmpas Awst 2021, anfon neges destun at Person A oedd yn dweud "hoffwn i fod wedi dy bwnsho mor galed na fyddet ti wedi deffro"
- rhwng Medi 2021 ac Ionawr 2022, anfon neges(euon) testun oedd yn hiliol a/neu'n ymosodol yn eu natur
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mrs Coombs oddi ar y Gofrestr o Ymarferwyr Addysg am gyfnod penagored yng nghategori athro ysgol. Penderfynodd hefyd na ddylai Mr Coombs gael y cyfle i adfer ei gymhwyster i gofrestru hyd nes bod cyfnod o dair blynedd wedi mynd heibio. Os na wnaiff Mr Coombs wneud cais llwyddiannus ar gyfer cymhwyster i'w adfer i'r Gofrestr ar ôl 23 Mai 2027, bydd wedi ei wahardd am gyfnod penagored.
Mae gan Mr Coombs yr hawl i apelio i Is-adran Mainc y Brenin yn yr Uchel Lys o fewn 28 diwrnod.
Gwenan Haf Parry - 23 Mai 2024
Dyddiad cyhoeddi: 3 Mehefin 2024
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 21, 22 a 23 Mai 2024, wedi canfod bod honiadau o ‘ymddygiad proffesiynol annerbyniol’ a ‘throsedd berthnasol’ wedi’u profi yn erbyn yr athrawes ysgol a’r gweithiwr cymorth dysgu ysgol, Gwenan Haf Parry.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei chyflogi fel Cynorthwy-ydd Addysgu yn Ysgol Gynradd y Felinheli, bod Miss Parry:
- ar 25 Ionawr 2023, wedi bwriadu dod i’r gwaith tra oedd dan ddylanwad alcohol
- ar 28 Chwefror 2023, wedi cael ei heuogfarnu o yrru cerbyd modur ar 25 Ionawr 2023 ar ffordd ar ôl yfed cymaint o alcohol fel bod y gyfran ohono yn ei hanadl, sef 88 microgram o alcohol mewn 100 mililitr o anadl, yn fwy na’r terfyn rhagnodedig, yn groes i adran 5(1)(a) Deddf Traffig Ffyrdd 1988. O ganlyniad i’r drosedd hon, ar 28 Chwefror 2023, fe’i dedfrydwyd i dalu dirwy o £350 ac fe’i hanghymhwyswyd rhag gyrru am 22 mis
Gosododd y Pwyllgor Priodoldeb i Ymarfer Gerydd ar gofrestriad Miss Parry fel athrawes ysgol a gweithiwr cymorth dysgu ysgol am gyfnod o 2 flynedd (o 23 Mai 2024 tan 23 Mai 2026). Fel y cyfryw, bydd Miss Parry yn gallu gweithio fel cofrestrai (athrawes ysgol a gweithiwr cymorth dysgu ysgol) mewn ysgol a gynhelir neu ysgol arbennig nas cynhelir yng Nghymru ar hyd cyfnod y Cerydd.
Mae gan Miss Parry hawl i apelio i’r Uchel Lys o fewn 28 niwrnod.
Alun Wyn Jones - 15 Mai 2024
Dyddiad cyhoeddi: 23 Mai 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol rhwng 13 ac 15 Mai 2024, wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu addysg bellach, Alun Wyn Jones.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Mr Jones, tra'i fod wedi ei gyflogi fel Hyfforddwr Arddangoswr yng Ngholeg Sir Gâr, ar achlysuron rhwng 2020 a 2022, arddangos ymddygiad bygythiol a/neu amhriodol tuag at ddysgwyr, trwy ei fod wedi:
- dweud wrth Ddysgwr C eiriau gyda'r effaith o 'dwi ddim yn dy licio di, fe wna i wneud dy waith yn hunllef'
- wedi gofyn i ddysgwr gario ysgol ymestyn pren trwm, ac wedi gweiddi a/neu godi ei lais i ddweud geiriau gyda'r effaith o 'piga fe lan y llipryn'
Rhoddodd y Pwyllgor Priodoldeb i Ymarfer Gerydd ar gofrestriad Mr Jones fel athro addysg bellach, gweithiwr cymorth dysgu addysg bellach, gweithiwr cymorth dysgu ysgol, ac ymarferydd dysgu'n seiliedig ar waith am gyfnod o ddwy flynedd (rhwng 15 Mai 2024 a 15 Mai 2026).
O'r herwydd bydd Mr Jones yn gallu gweithio fel person cofrestredig:
- gweithiwr cymorth dysgu addysg bellach, mewn sefydliadau AB yng Nghymru
- athro addysg bellach, sy'n darparu gwasanaethau penodol mewn neu ar gyfer sefydliad addysg bellach yng Nghymru
- ymarferydd dysgu'n seiliedig ar waith, sy'n darparu gwasanaethau ar ran corff dysgu'n seiliedig ar waith (heblaw fel gwirfoddolwr)
am gyfnod y Cerydd.
Mae gan Mr Jones yr hawl i apelio i'r Uchel Lys o fewn 28 diwrnod.
Dee Jones - 15 Mai 2024
Dyddiad cyhoeddi: 29 Mai 2024
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 14 a 15 Mai 2024, wedi canfod bod honiadau o ymddygiad proffesiynol annerbyniol a throsedd berthnasol wedi’u profi yn erbyn y gweithiwr cymorth dysgu addysg bellach a’r gweithiwr cymorth dysgu ysgol, Dee Jones.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Mrs Jones:
- Ar neu oddeutu 13 Tachwedd 2018, wedi gwneud cais i CGA i gofrestru fel gweithiwr cymorth dysgu ysgol a gweithiwr cymorth dysgu addysg bellach ac wedi nodi yn adran ddatganiadau’r ffurflen gais nad oedd ganddi unrhyw euogfarnau, pan nad oedd hyn yn gywir.
- Ar 8 Mawrth 2021, wedi gwneud cais i CGA i gofrestru fel gweithiwr cymorth dysgu ysgol ac wedi nodi yn adran ddatganiadau’r ffurflen gais nad oedd ganddi unrhyw euogfarnau, pan nad oedd hyn yn gywir.
- Ar 9 Mawrth 2021, wedi gwneud cais i CGA i gofrestru fel gweithiwr cymorth dysgu ysgol ac wedi nodi yn adran ddatganiadau’r ffurflen gais nad oedd ganddi unrhyw euogfarnau, pan nad oedd hyn yn gywir.
- Ar 10 Mawrth 2021, wedi gwneud cais i CGA i gofrestru fel gweithiwr cymorth dysgu ysgol ac wedi nodi yn adran ddatganiadau’r ffurflen gais nad oedd ganddi unrhyw euogfarnau, pan nad oedd hyn yn gywir.
- Ar 23 Ebrill 2015, wedi cael ei heuogfarnu yn Llys Ynadon Gwent o ddwy drosedd ‘methu datgelu gwybodaeth er eich budd ei hun/er budd rhywun arall neu i achosi colled i rywun arall/amlygu rhywun arall i golled’ yn yr ystyr ei bod:
- rhwng 5 Medi 2013 a 5 Awst 2014, yng Nglynebwy, Blaenau Gwent, wedi cyflawni twyll gan ei bod wedi methu datgelu gwybodaeth i’r Adran Gwaith a Phensiynau yn anonest, sef ei bod yn byw gyda phartner yn cynnal aelwyd gyffredin, yr oedd dyletswydd gyfreithiol arni i’w datgelu, gyda’r bwriad, trwy’r methiant hwnnw, i gael budd, sef budd-daliadau, iddi hi ei hun, yn groes i adrannau 1(2)(b) a 3 Deddf Twyll 2006. O ganlyniad, fe’i dedfrydwyd i ryddhad amodol am 3 blynedd;
- rhwng 9 Medi 2013 a 10 Awst 2014, yng Nglynebwy, Blaenau Gwent, wedi cyflawni twyll gan ei bod wedi methu datgelu gwybodaeth i Gyngor Blaenau Gwent yn anonest, sef ei bod yn byw gyda phartner yn cynnal aelwyd gyffredin, yr oedd dyletswydd gyfreithiol arni i’w datgelu, gyda’r bwriad, trwy’r methiant hwnnw, i gael budd, sef budd-daliadau, iddi hi ei hun, yn groes i adrannau 1(2)(b) a 3 Deddf Twyll 2006. O ganlyniad, fe’i dedfrydwyd i ryddhad amodol am 3 blynedd.
- Ar 2 Medi 2019, wedi cael ei heuogfarnu yn Llys Ynadon Bro Morgannwg o drosedd ymosod cyffredin, sef ar 28 Gorffennaf 2019 yn Llan-gors ei bod wedi ymosod ar Unigolyn A yn groes i adran 39 Deddf Cyfiawnder Troseddol 1988. O ganlyniad, fe’i dedfrydwyd i orchymyn cymunedol 01/09/20 a gwaith di-dâl am 80 awr, ac fe’i gorchmynnwyd i dalu iawndal o £50.
Ar ôl gwneud y canfyddiadau hyn, penderfynodd y Pwyllgor hefyd fod ymddygiad Mrs Jones ym mharagraffau 1-4 uchod yn anonest ac yn dangos diffyg uniondeb.
Gosododd y Pwyllgor Priodoldeb i Ymarfer Orchymyn Gwahardd, gan ddileu Mrs Jones o’r Gofrestr Ymarferwyr Addysg yn y categori gweithiwr cymorth dysgu addysg bellach a gweithiwr cymorth dysgu ysgol am gyfnod amhenodol. Penderfynodd hefyd na chaiff Mrs Jones wneud cais i gael ei hadfer i’r Gofrestr Ymarferwyr Addysg cyn i gyfnod o 2 flynedd fynd heibio. Os na fydd Mrs Jones yn gwneud cais llwyddiannus am gymhwysedd i gael ei hadfer i’r Gofrestr ar ôl 15 Mai 2026, bydd yn aros wedi’i gwahardd am gyfnod amhenodol.
Mae gan Mrs Jones hawl i apelio i’r Uchel Lys o fewn 28 niwrnod.
Julian Fuge - 9 Mai 2024
Dyddiad cyhoeddi: 13 Mai 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 8 a 9 Mai 2024, wedi canfod bod honiad o ymddygiad proffesiynol annerbyniol wedi ei brofi yn erbyn athro addysg bellach, Julian Fuge.
Canfu'r Pwyllgor Priodoldeb i Ymarfer bod yr holiadau canlynol wedi ei brofi, tra ei bod wedi ei chyflogi fel athro addysg bellach gyda Choleg Gŵyr, fe wnaeth Mr Fuge:
- ar neu o gwmpas Hydref 2022, rhoddodd nodyn wedi ei ysgrifennu â llaw i Ddysgwr 1, gyda'r bwriad o ddatblygu perthynas bersonol gyda nhw, yn y nodyn ysgrifennodd:
- ei rif ffôn personol
- “we can meet up for a chat about what we feel about each other and where you and I want it to go”
Ar ôl gwneud y canfyddiadau uchod, penderfynodd y Pwyllgor bod ymddygiad Mr Fuge wedi ei ysgogi'n rhywiol.
Rhoddodd y Pwyllgor Priodoldeb i Ymarfer Gerydd ar gofrestriad Mr Fuge fel athro addysg bellach am gyfnod o ddwy flynedd (rhwng 9 Mai 2024 a 9 Mai 2026). O'r herwydd, bydd Mr Fuge yn gallu gweithio fel person cofrestredig (athro addysg bellach) sy'n darparu gwasanaethau penodol mewn neu ar gyfer sefydliad addysg bellach yng Nghymru.
Mae gan Mr Fuge yr hawl i apelio i'r Uchel Lys o fewn 28 diwrnod.
Michael Millership - 27 Mawrth 2024
Dyddiad cyhoeddi: 10 Ebrill 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd rhwng 29 Ionawr a 2 Chwefror a rhwng 25 a 27 Mawrth 2024, wedi canfod bod honiadau o ymddygiad proffesiynol annerbyniol wedi eu profi yn erbyn yr ymarferydd dysgu'n seiliedig ar waith, a'r gweithiwr cymorth dysgu addysg bellach, Michael Millership.
Canfu'r Pwyllgor Priodoldeb i Ymarfer bod yr holiad canlynol wedi ei brofi, tra ei fod wedi ei gyflogi fel Goruchwyliwr Sgiliau Ymarferol gyda Grŵp Llandrillo Menai, fe wnaeth Mr Millership:
- rhwng tua 2004 a 2019, arddangos ymddygiad tuag at un neu fwy o gydweithwyr yn yr Adran Adeiladu, gan gynnwys Cydweithiwr 1, oedd yn:
- ddychrynllyd
- tanseilio
- rhwystrol ar fwriad
- o natur bwlio
- rhwng tua 2017 a Mai 2018, ni wnaeth ddilyn gweithdrefnau City & Guilds, a Grŵp Llandrillo Menai o ran asesu, gan ei fod wedi cytuno fod gwaith dysgwyr wedi ei gwblhau, pan nad oedd wedi.
Ar ôl gwneud y canfyddiadau hyn, fe wnaeth y Pwyllgor hefyd benderfynu bod ymddygiad Mr Millership yn anonest a heb hygrededd o ran paragraff 2 uchod.
Rhoddodd y Pwyllgor Priodoldeb i Ymarfer Orchymyn Cofrestru Amodol ar gofrestriad Mr Millership fel ymarferydd dysgu'n seiliedig ar waith a gweithiwr cymorth dysgu addysg bellach, yn effeithiol o 27 Mawrth 2024.
Mae gan Mr Millership yr hawl i apelio i'r Uchel Lys o fewn 28 diwrnod.
Danielle Hamnett - 22 Mawrth 2024
Dyddiad cyhoeddi: 9 Ebrill 2024
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 21 a 22 Mawrth 2024, wedi canfod bod honiad o ‘drosedd berthnasol’ wedi’i brofi yn erbyn yr athrawes addysg bellach gweithiwr cymorth dysgu addysg bellach, gweithiwr cymorth dysgu ysgol, ac ymarferydd dysgu'n seiliedig ar waith, Danielle Hamnett.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Ms Hamnett:
- Ar 19 Tachwedd 2020 fe'i cafwyd yn euog yn Llys Ynadon Canol Gogledd Cymru o dri chyfrif o yrru cerbyd modur gyda chyfran o gyffur rheoledig dros y terfyn penodedig ar 17 Mai 2020, yn gyferbyniol i Ddeddf Traffig y Ffyrdd 1988 s.5A(1)(a). O ganlyniad fe gafodd Ms Hamnett waharddiad rhag gyrru am 24 mis o 19 Tachwedd 2020, a dirwy o £200.
Rhoddodd y Pwyllgor Priodoldeb i Ymarfer Gerydd ar gofrestriad Ms Hamnett fel athro addysg bellach, gweithiwr cymorth dysgu addysg bellach, gweithiwr cymorth dysgu ysgol, ac ymarferydd dysgu'n seiliedig ar waith am gyfnod o ddwy flynedd (rhwng 22 Mawrth 2024 a 22 Mawrth 2026).
O'r herwydd, bydd Miss Hamnett yn gallu gweithio fel person cofrestredig (athro addysg bellach a gweithiwr cymorth dysgu addysg bellach) sy'n darparu gwasanaethau penodol mewn neu ar gyfer sefydliad addysg bellach yng Nghymru. Bydd hefyd yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd. Bydd hefyd yn gallu gweithio fel person cofrestredig (ymarferydd dysgu'n seiliedig ar waith), sy'n darparu gwasanaethau ar ran corff dysgu'n seiliedig ar waith (heblaw fel gwirfoddolwr).
Mae gan Ms Hamnett hawl i apelio i’r Uchel Lys o fewn 28 niwrnod.
Adrian Ferguson - 20 Mawrth 2024
Dyddiad cyhoeddi: 3 Ebrill 2024
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 18, 19 ac 20 Mawrth 2024, wedi canfod bod honiad o ymddygiad proffesiynol annerbyniol wedi’i brofi yn erbyn y gweithiwr cymorth dysgu mewn ysgol a’r athro addysg bellach, Adrian Ferguson.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Mr Ferguson:
- rhwng mis Ebrill 2020 a 4 Tachwedd 2020, mewn perthynas ag Ysgol Uwchradd Gymunedol Gorllewin Caerdydd (“yr Ysgol”):
- wedi ticio “na” ar ei ffurflen gais pan ofynnwyd iddo a oedd ganddo unrhyw euogfarnau, gan gynnwys materion a oedd yn yr arfaeth ac nad oeddent wedi cael eu datrys ar yr adeg ysgrifennu, er bod ymchwiliad heddlu yn parhau yn ei erbyn ar y pryd;
- wedi darparu unigolyn fel canolwr a heb ddatgelu i’r Ysgol ei fod ef hefyd dan amheuaeth yn yr ymchwiliad heddlu yn ei erbyn;
- heb roi gwybod i uwch reolwyr yr Ysgol am yr ymchwiliad heddlu a oedd yn parhau yn ei erbyn tan 4 Tachwedd 2020.
- ar 27 Ebrill 2020, wedi cyflwyno ffurflen gais Cyngor Caerdydd ar gyfer swydd Athro Gwyddoniaeth yn Ysgol Uwchradd Gymunedol Gorllewin Caerdydd. Wrth gwblhau’r adran “Addysg Uwch a Hyfforddiant”, datganodd yn anghywir ei fod wedi cwblhau un neu fwy o’r cyrsiau canlynol:
- “MA Hanes” o “Brifysgol Casnewydd, Campws Caerllion”, rhwng 20 Medi 2003 a 18 Mai 2007; a
- “BA Anrh Hanes” o “Brifysgol Casnewydd, Campws Caerllion”, rhwng 20 Medi 2003 a 18 Mai 2007; a
- "TAR Add” mewn “Addysg Gorfforol Uwchradd gyda SAC – TAR”, o Brifysgol Casnewydd, Campws Caerllion”, rhwng 20 Medi 2003 a 18 Mai 2007.
- ar 16 Awst 2021, wedi cyflwyno ffurflen gais i Ymddiriedolaeth Coleg De Swydd Gaerloyw a Stroud ar gyfer swydd Goruchwyliwr Cyflenwi yn Ysgol Uwchradd Forest. Wrth gwblhau’r adran “Cymwysterau”, datganodd yn anghywir ei fod wedi cwblhau un neu fwy o’r cyrsiau canlynol:
- TAR mewn “Addysg Uwchradd” o “Gasnewydd, Caerllion” oddeutu 14 Medi 2008; ac
- MA mewn Hanes o “Gasnewydd, Caerllion” oddeutu 14 Medi 2008; a
- BA (Anrh) mewn Hanes o “Gasnewydd, Caerllion” oddeutu 7 Medi 2007.
- mewn perthynas â’i gais yn honiad 3 ar gyfer swydd yng Ngholeg De Swydd Gaerloyw a Stroud, heb gynnwys Ysgol Uwchradd Gymunedol Gorllewin Caerdydd yn ei gais fel cyflogwr blaenorol.
- mewn perthynas â’i gais yn honiad 3, wedi cyflwyno copi i Ymddiriedolaeth De Swydd Gaerloyw a Stroud o lythyr canlyniad proses ddisgyblu cyflogwr blaenorol, yr oedd wedi’i ddiwygio ac yr oedd yn gwybod ei fod wedi cael ei ddiwygio:
- i newid “rhybudd ysgrifenedig cyntaf” i “rybudd llafar”; ac
- i ddileu pum paragraff o ganfyddiadau’r Panel Disgyblu.
- rhwng mis Ebrill 2020 a mis Mai 2023, wedi datgan yn anghywir bod ganddo statws athro cymwysedig (SAC) pan nad oedd hyn yn gywir, a heb egluro nad oedd ganddo SAC:
- yn ei gais yn honiad 2; ac
- yn ystod ei gyflogaeth gydag Ysgol Uwchradd Gymunedol Gorllewin Caerdydd; ac
- wrth gyfathrebu â Chyngor y Gweithlu Addysg ar neu o gwmpas 24 Ionawr 2020 a 12 Mai 2023.
- yn ei gais/ceisiadau i gofrestru gyda Chyngor y Gweithlu Addysg dyddiedig 22 Ionawr 2020, 23 Ionawr 2020 a 24 Ionawr 2020, wrth gwblhau’r adran “Cymhwyster/Cymwysterau”, wedi datgan yn anghywir ei fod wedi cwblhau un neu fwy o’r cyrsiau hyn:
- Gradd Meistr Gwyddoniaeth (MSc) mewn Hanes, a ddyfarnwyd yn 2008 o Goleg Prifysgol Cymru, Casnewydd;
- BA (Anrh) gyda TAR ymsang Astudiaethau Academaidd mewn Addysg, a ddyfarnwyd yn 2008 o Goleg Prifysgol Cymru, Casnewydd;
- Baglor Gwyddoniaeth (BSc) gyda SAC mewn Hanes, a ddyfarnwyd yn 2007 o Goleg Prifysgol Cymru, Casnewydd; a
- Thystysgrif Addysg i Raddedigion (Addysg Bellach), a ddyfarnwyd yn 2008 o Goleg Prifysgol Cymru, Casnewydd.
- rhwng mis Ionawr 2020 a mis Mai 2023, wedi cyflwyno un neu fwy o’r tystysgrifau canlynol i Gyngor y Gweithlu Addysg yr oedd yn gwybod, neu y dylai fod wedi gwybod yn rhesymol, nad oeddent yn ddilys:
- Ar 24 Ionawr 2020, tystysgrif yr honnwyd ei bod o Brifysgol Cymru, Casnewydd, dyddiedig mis Medi 2008, yn rhoi Tystysgrif Addysg i Raddedigion; ac
- Ar 24 Ionawr 2020, tystysgrif yr honnwyd ei bod o Brifysgol Cymru, Casnewydd, dyddiedig 14 Medi 2007, yn ymwneud â Baglor Gwyddoniaeth mewn Hanes; ac
- Ar 20 Rhagfyr 2021 a 12 Mai 2023, tystysgrif yr honnwyd ei bod o’r Adran Addysg, yn cadarnhau ei fod wedi cyflawni statws athro cymwysedig (SAC) ar 17 Medi 2008; ac
- Ar 20 Rhagfyr 2021, tystysgrif yr honnwyd ei bod o Edexcel, dyddiedig mis Awst 2014, yn ymwneud ag “Aseswyr Addysg (Fframwaith Credydau a Chymwysterau)” yng Ngholeg Western.
Ar ôl gwneud y canfyddiadau hyn, penderfynodd y Pwyllgor fod ymddygiad Mr Ferguson ym mharagraffau 1 i 8 uchod (heblaw am 1(b)) yn gamarweiniol ac yn anonest.
Penderfynodd y Pwyllgor hefyd fod ymddygiad Mr Ferguson ym mharagraffau 1 i 8 uchod yn dangos diffyg uniondeb.
Gosododd y Pwyllgor Priodoldeb i Ymarfer Orchymyn Gwahardd, gan ddileu Mr Ferguson o’r Gofrestr Ymarferwyr Addysg yn y categori gweithiwr cymorth dysgu mewn ysgol ac athro addysg bellach am gyfnod amhenodol. Penderfynodd hefyd na chaiff Mr Ferguson wneud cais i gael ei adfer i’r Gofrestr Ymarferwyr Addysg cyn i gyfnod o 5 mlynedd fynd heibio. Os na fydd Mr Ferguson yn gwneud cais llwyddiannus am gymhwysedd i gael ei adfer i’r Gofrestr ar ôl 20 Mawrth 2029, bydd yn aros wedi’i wahardd am gyfnod amhenodol.
Mae gan Mr Ferguson hawl i apelio i’r Uchel Lys o fewn 28 niwrnod.
Ceri Ann Ridge - 13 Mawrth 2024
Dyddiad cyhoeddi: 18 Mawrth 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 12 ac 13 Mawrth 2024, wedi canfod bod honiad o ymddygiad proffesiynol annerbyniol wedi ei brofi yn erbyn yr athro addysg bellach, a'r gweithiwr cymorth dysgu addysg bellach, Ceri Ann RIDGE.
Canfu'r Pwyllgor Priodoldeb i Ymarfer bod yr holiadau canlynol wedi eu profi, bod Miss Ridge:
- Ar neu o gwmpas 20 Mawrth 2023
- wedi gweiddi ar Fyfyriwr A trwy ffenest eu car
- wedi ceisio tynnu allweddi car Myfyriwr A o system danio eu car
- wedi pwyntio eu bys yn agos i wyneb Myfyriwr A
- wedi taflu chwip ceffyl at gar Myfyriwr A
Ar ôl gwneud y canfyddiadau hyn, penderfynodd y Pwyllgor bod ymddygiad Miss Ridge yn amhriodol ac yn frawychus.
Rhoddodd y Pwyllgor Priodoldeb i Ymarfer Gerydd ar gofrestriad Miss Ridge fel athro addysg bellach a gweithiwr cymorth dysgu addysg bellach am gyfnod o ddwy flynedd (rhwng 13 Mawrth 2024 hyd 13 Mawrth 2026). O'r herwydd, bydd Miss Ridge yn gallu gweithio fel person cofrestredig (athro addysg bellach a gweithiwr cymorth dysgu addysg bellach) sy'n darparu gwasanaethau penodol mewn neu ar gyfer sefydliad addysg bellach yng Nghymru.
Mae gan Miss Ridge yr hawl i apelio i'r Uchel Lys o fewn 28 diwrnod.
Chinwe Obi - 6 Mawrth 2024
Dyddiad cyhoeddi: 18 Mawrth 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd ar 5 a 6 Mawrth 2024 wedi canfod bod honiad o ymddygiad proffesiynol annerbyniol wedi ei brofi yn erbyn gweithiwr cymorth dysgu, Chinwe Obi.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei bod wedi ei chyflogi fel gweithiwr cymorth dysgu yn Staffroom Education, bod Mrs Obi:
- ar 21 Mawrth 2023 wedi methu â mynd i'r sesiwn a fwciwyd iddi yng Nghanolfan Blant Trelái a Chaerau.
- Wedi trefnu gydag Unigolyn A y byddai yn mynd fel Mrs Obi i Ganolfan Blant Trelái a Chaerau.
- Ni wnaeth ddweud wrth Staffroom Education na Chanolfan Blant Trelai a Chaerau am y trefniadau ym mharagraff 2.
- Roedd ei gweithredoedd ym mharagraffau 2 a 3 yn mynd i geisio cael ei thalu am waith na wnaethpwyd ganddi.
Canfu'r Pwyllgor Priodoldeb i Ymarfer fod gweithredoedd Mrs Obi ym mharagraffau 2, 3 a 4 yn anonest.
Rhoddodd y Pwyllgor Priodoldeb i Ymarfer Gerydd ar gofrestriad Mrs Obi fel gweithiwr cymorth dysgu ysgol am gyfnod o 2 flynedd (rhwng 6 Mawrth 2024 a 6 Mawrth 2026). O'r herwydd bydd Mrs Obi yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mrs Obi yr hawl i apelio i'r Uchel Lys o fewn 28 diwrnod.
Shon Prebble - 29 Chwefror 2024
Dyddiad cyhoeddi: 14 Mawrth 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol rhwng 27 I 29 Chwefror 2024, wedi canfod bod honiad o ymddygiad proffesiynol annerbyniol wedi ei brofi yn erbyn athro ysgol, Shon Prebble.
Canfu'r Pwyllgor Priodoldeb i Ymarfer bod yr honiadau canlynol wedi eu profi, tra ei fod wedi ei gyflogi fel athro yn Ysgol Bryn Alyn, Wrecsam:
- Rhwng Medi a Tachwedd 2022, ddefnyddio cyfryngau cymdeithasol i gysylltu gyda chyn-ddisgybl A, sydd dal yn blentyn
- O ganlyniad i’w ymddygiad ym mharagrafff1, ni wnaeth Mr Prebble gydymffurfio gyda hyfforddiant diogelwch
Rhoddodd y Pwyllgor Priodoldeb i Ymarfer Gerydd ar gofrestriad Mr Prebble fel athro ysgol am gyfnod o 2 flynedd (rhwng 29 Chwefror 2024 a 28 Chwefror 2026). O'r herwydd bydd Mr Prebble yn gallu gweithio fel person cofrestredig (athro ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mr Prebble yr hawl i apelio i'r Uchel Lys o fewn 28 diwrnod.
Kate Morris - 23 Chwefror 2024
Dyddiad cyhoeddi: 4 Mawrth 2024
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 20 i 23 Chwefror 2024, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn yr athrawes addysg bellach a’r athrawes ysgol, Kate Morris.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef bod Ms Morris:
- rhwng oddeutu mis Medi 2021 a mis Chwefror 2022, heb sicrhau bod cofrestrau’n cael eu cwblhau’n gywir yn yr ystyr ei bod hi wedi:
- marcio bod dysgwyr wedi mynychu gwers wyneb yn wyneb pan gynhaliwyd y wers ar-lein.
- marcio bod dysgwyr yn bresennol ar-lein pan nad oedd y dysgwr wedi mynychu’r wers.
- marcio bod dysgwyr yn bresennol mewn gwersi pan nad oedd y dysgwyr hyn yn ymgymryd â’r rhaglen.
- heb addysgu’r cwrs Mynediad at Addysg Uwch (AHE) Iechyd am y cyfan a/neu ran o’r cyfnod a amserlennwyd trwy:
- ddechrau gwersi’n hwyr a/neu orffen gwersi’n gynnar.
- newid amserau dechrau a gorffen.
- canslo gwersi.
- symud gwersi ar-lein heb ganiatâd ei rheolwr llinell.
- Heb roi cymorth a/neu adborth digonol i ddysgwyr yn yr ystyr nad oedd hi wedi:
- dychwelyd gwaith i ddysgwyr mewn modd amserol.
- sicrhau bod ffurflenni UCAS yn cael eu cyflwyno mewn modd amserol.
Gosododd y Pwyllgor Priodoldeb i Ymarfer Gerydd ar gofrestriad Ms Morris fel athrawes addysg bellach ac athrawes ysgol am gyfnod o 2 flynedd (o 23 Chwefror 2024 tan 23 Chwefror 2026). Fel y cyfryw, bydd Ms Morris yn gallu gweithio fel cofrestrai (athrawes addysg bellach) sy’n darparu gwasanaethau penodol mewn sefydliad addysg bellach yng Nghymru neu ar ei gyfer. Bydd hefyd yn gallu gweithio fel cofrestrai (athrawes ysgol) mewn ysgol a gynhelir neu ysgol arbennig nas cynhelir yng Nghymru.
Mae gan Ms Morris hawl i apelio i’r Uchel Lys o fewn 28 niwrnod.
Teresa Annette Scutt - 22 Chwefror 2024
Dyddiad cyhoeddi: 1 Mawrth 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 20, 21 a 22 Chwefror 2024, wedi canfod bod honiad o ymddygiad proffesiynol annerbyniol wedi ei brofi yn erbyn ymarferydd dysgu'n seiliedig ar waith, Teresa Annette Scutt.
Canfu'r Pwyllgor Priodoldeb i Ymarfer fod yr honiadau canlynol wedi eu profi, tra ei bod wedi ei chyflogi fel tiwtor ymgysylltu ieuenctid yn COPA (North Wales Training) fe wnaeth Miss Scutt:
- ar 5 Medi 2022, rannu gwybodaeth sensitif, gyfrinachol gyda Chydweithiwr A ym mhresenoldeb Cydweithiwr B a Dysgwr B.
- ar 24 Chwefror 2021, fynychu Gwrandawiad Llys yn ystod oriau gwaith, heb awdurdod blaenorol ar gyfer yr absenoldeb gan ei rheolwr llinell.
- ar 26 Hydref 2020, yfed alcohol yn ystod oriau gwaith.
- ar 26 Hydref 2020, fethu ag arllwys alcohol i ffwrdd pan ofynnwyd iddi gan Gydweithiwr C.
Ar ôl gwneud y canfyddiadau hyn, fe wnaeth y Pwyllgor hefyd benderfynu bod ymddygiad Miss Scutt ym mharagraff 2 uchod yn anonest.
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Miss Scutt oddi ar y Gofrestr o Ymarferwyr Addysg am gyfnod penagored yng nghategori ymarferydd dysgu'n seiliedig ar waith. Penderfynodd hefyd na fyddai Miss Scutt yn cael gwneud cais i'w hadfer i'r Gofrestr Ymarferwyr Addysg cyn bod cyfnod o 3 blynedd wedi treiglo. Os na wnaiff Miss Scutt wneud cais llwyddiannus i'w hadfer i'r Gofrestr ar ôl 22 Chwefror 2027, bydd wedi ei gwahardd am gyfnod penagored.
Mae gan Miss Scutt yr hawl i apelio i'r Uchel Lys o fewn 28 diwrnod.
Michael Gumm - 7 Chwefror 2024
Dyddiad cyhoeddi: 16 Chwefror 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 5, 6, a 7 Chwefror 2024, wedi canfod bod honiadau o ymddygiad proffesiynol annerbyniol wedi eu profi yn erbyn yr ymarferydd dysgu'n seiliedig ar waith, a'r gweithwir cymorth dysgu addysg bellach, Michael Gumm.
Fe wnaeth y Pwyllgor Priodoldeb i Ymarfer ganfod bod yr honiadau canlynol wedi eu profi, tra bod Mr Gumm wedi ei gyflogi fel Asesydd gan Tydfil Training Consortium (TTC) ac yn gweithio yn y Coleg Merthyr Tudful:
- wneud sylwadau o natur rywiol ac amhriodol ar nifer o achosion, ar neu o gwmpas Hydref 2022.
- ar neu o gwmpas 18 Hydref 2022, drafod gwybodaeth bersonol amhriodol gyda Dysgwr B a Dysgwr C.
- ar ddyddiad neu ddyddiadau rhwng 11 Hydref 2022 ac 18 Hydref 2022, wahodd un neu fwy o ddysgwyr i gysylltu ag ef ar Facebook.
Rhoddodd y Pwyllgor Priodoldeb i Ymarfer Orchymyn Gwahardd, gan dynnu Mr Gumm oddi ar y Gofrestr o Ymarferwyr Addysg am gyfnod penagored yng nghategori gweithiwr cymorth dysgu addysg bellach, ac ymarferydd dysgu'n seiliedig ar waith. Penderfynnodd hefyd na fyddai Mr Gumm yn cael gwneud cais i'w adfer i'r Gofrestr Ymarferwyr Addysg cyn bod cyfnod o 2 blynedd wedi treiglo. Os na wnaiff Mr Gumm wneud cais llwyddiannus i'w hadfer i'r Gofrestr ar ôl 7 Chwefror 2026, bydd wedi ei wahardd am gyfnod penagored.
Mae gan Mr Gumm yr hawl i apelio i'r Uchel Lys o fewn 28 diwrnod.
Isaac Harrison - 1 Chwefror 2024
Dyddiad cyhoeddi: 7 Chwefror 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol rhwng 29 Ionawr ac 1 Chwefror 2024, wedi canfod bod honiad o ymddygiad proffesiynol annerbyniol wedi ei brofi yn erbyn athro ysgol, Isaac Harrison.
Canfu'r Pwyllgor Priodoldeb i Ymarfer bod yr holiadau canlynol wedi ei brofi, tra ei fod wedi ei gyflogi fel athro ysgol Ysgol Gyfun Gatholig yr Archesgob McGrath, fe wnaeth Mr Harrison:
- rhwng Ionawr a Mawrth 2022, roi tampon yn ei drwyn.
- ar neu o gwmpas 10 Mawrth 2022, annog disgybl gydag anghenion dysgu ychwanegol, disgybl C, i anfon neges destun at ddisgybl arall, disgybl D, ynghylch eu perthynas.
- gofynnodd i ddisgybl F dynnu llun ohonyn nhw a'r dosbarth, pan nad oedd rheswm dilys i wneud hynny.
Rhoddodd y Pwyllgor Priodoldeb i Ymarfer Gerydd ar gofrestriad Mr Harrison fel athro ysgol am gyfnod o 2 flynedd (rhwng 1 Chwefror 2024 ac 1 Chwefror 2026). O'r herwydd bydd Mr Harrison yn gallu gweithio fel person cofrestredig (athro ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Cerydd.
Mae gan Mr Harrison yr hawl i apelio i'r Uchel Lys o fewn 28 diwrnod.
Michael Walsh - 24 Ionawr 2024
Dyddiad cyhoeddi: 2 Chwefror 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 23 a 24 Ionawr 2024, wedi canfod bod honiad o droseddau perthnasol ac ymddygiad proffesiynol annerbyniol a throsedd berthnasol wedi ei brofi yn erbyn gweithiwr cymorth dysgu, Michael Walsh.
Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Mr Walsh fel gweithiwr cymorth dysgu ysgol am gyfnod o 12 mis (rhwng 24 Ionawr 2024 a 24 Ionawr 2025). O'r herwydd ni fydd Mr Walsh yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Gorchymyn Gwahardd. Ar ôl 24 Ionawr 2025, bydd yn gymwys i gofrestru, cyn belled â'i fod yn cydymffurfio gyda'r amodau a roddwyd.
Mae gan Mr Walsh yr hawl i apelio i'r Uchel Lys o fewn 28 diwrnod.
Amy Jane Cunniffe - 16 Ionawr 2024
Dyddiad cyhoeddi: 24 Ionawr 2024
Mae Pwyllgor Priodoldeb i Ymarfer Cyngor y Gweithlu Addysg (CGA), oedd yn eistedd yn rhithiol ar 16 Ionawr 2024, wedi canfod bod honiad o ymddygiad proffesiynol annerbyniol a throsedd berthnasol wedi ei brofi yn erbyn gweithiwr cymorth dysgu, Amy Jane Cunniffe.
Canfu'r Pwyllgor Priodoldeb i Ymarfer bod yr holiadau canlynol wedi eu profi:
- tra ei bod wedi ei chyflogi fel cynorthwyydd addysgu, bod Miss Cunniffe, ar 31 Hydref 2022, wedi gyrru car o dan ddylanwad alcohol, wnaeth roi eraill mewn perygl.
- ar 15 Tachwedd 2022, cafodd Miss Cunniffe euogfarn o fethu â darparu sampl i'w ddadansoddi (gyrru neu geisio gyrru) ar 31 Hydref 2022, drwy fynd yn erbyn adran 7(6) Deddf Traffig y Ffyrdd 1988. O ganlyniad i i'r drosedd hon, fe roddwyd gorchymyn gymunedol am 12 mis, gyda gofyniad i weithio'n ddi-dâl, gofyniad gweithgarwch adfer, a'igwahardd rhag gyrru am 36 mis.
Rhoddodd y Pwyllgor Priodoldeb i Ymarfer Orchymyn Gwahardd (heb amodau) ar gofrestriad Miss Cunniffe fel gweithiwr cymorth dysgu ysgol am gyfnod o 12 mis (rhwng 16 Ionawr 2024 a 16 Ionawr 2025). O'r herwydd ni fydd Miss Cunniffe yn gallu gweithio fel person cofrestredig (gweithiwr cymorth dysgu ysgol) mewn ysgol a gynhelir, neu ysgol arbennig na chynhelir yng Nghymru am gyfnod y Gorchymyn Gwahardd.
Mae gan Miss Cunniffe yr hawl i apelio i'r Uchel Lys o fewn 28 diwrnod.
Linda Mary Frame - 27 Hydref 2023
Dyddiad cyhoeddi: 13 Tachwedd 2023
Mae Pwyllgor Priodoldeb i Ymarfer Cyngor y Gweithlu Addysg (CGA), a oedd yn eistedd o bell ar 22 – 26 Mai a 23 – 27 Hydref 2023, wedi canfod bod honiad o ‘ymddygiad proffesiynol annerbyniol’ wedi’i brofi yn erbyn yr athrawes ysgol, Linda FRAME.
Canfu’r Pwyllgor Priodoldeb i Ymarfer fod yr honiadau canlynol wedi’u profi, sef, tra oedd yn cael ei chyflogi fel Pennaeth yn Ysgol Gynradd Llangiwg:
- O ran y ddarpariaeth feithrin gofleidiol Red Dragon Child Care (“y ddarpariaeth gofleidiol”), nad oedd hi wedi sicrhau:
- bod y ddarpariaeth wedi’i chofrestru gydag Arolygiaeth Gofal a Gwasanaethau Cymdeithasol Cymru (AGGC) fel yr oedd bryd hynny; a
- bod y ddarpariaeth yn cydymffurfio â’r Safonau Gofynnol Cenedlaethol ar gyfer Gofal Plant a Reoleiddir.
- O ran rheolaeth ariannol y ddarpariaeth gofleidiol, nad oedd hi wedi sicrhau:
- bod cyfrifon cywir yn cael eu cadw o incwm a threuliau; a
- bod arian parod a dderbyniwyd oddi wrth rieni’n cael ei fancio’n briodol neu o gwbl, ac yn cael ei gofnodi yng nghyllideb yr Ysgol.
- O ran talu staff yn y ddarpariaeth gofleidiol, ei bod hi wedi caniatáu i staff gael eu talu gydag “arian mewn llaw” heb ystyried treth ac yswiriant gwladol.
- Nad oedd Ms Frame wedi sicrhau bod yr ymarfer Anghenion Addysgol Arbennig (AAA) yn yr ysgol yn cydymffurfio â Chod Ymarfer Anghenion Addysgol Arbennig Cymru (2002), yn yr ystyr nad oedd hi’n:
- cadw cofnodion digonol o ddogfennau AAA; ac
- yn sicrhau bod Cynlluniau Addysg Unigol dysgwyr yn cael eu diweddaru;
- Nad oedd Ms Frame wedi sicrhau bod dysgwyr ag Anghenion Addysgol Arbennig yn cael eu cyflwyno ar gyfer asesiad a/neu gymorth mewn modd amserol, gan gynnwys:
- Dysgwr A; a
- Dysgwr C; a
- Dysgwr M; a
- Dysgwr L; a
- Dysgwr D; a
- Dysgwr G; a
- Dysgwr F; a
- Dysgwr E.
Canfu’r Pwyllgor Priodoldeb i Ymarfer fod ymddygiad Ms Frame ym mharagraffau 2(a), 2(c) a 3 yn dangos diffyg uniondeb.
Gosododd y Pwyllgor Priodoldeb i Ymarfer Orchymyn Cofrestru Amodol ar gofrestriad Ms Frame fel athrawes ysgol yn effeithiol o 27 Hydref 2023.
Atodiad i benderfyniad y Pwyllgor Priodoldeb i Ymarfer
Ar 6 Rhagfyr 2023, cofnododd a chyflwynodd Mrs Frame (yr Apelydd) apêl i CGA (yr Ymatebydd) o dan a.32 Deddf Addysg (Cymru) 2014 yn erbyn penderfyniad y Pwyllgor Priodoldeb i Ymarfer a roddwyd yn ffurfiol ar 8 Tachwedd 2023.
Ar 15 Mawrth 2024, ceisiodd yr Apelydd a’r Ymatebydd orchymyn cydsyniad i benderfynu ar yr apêl yn unol â Pharagraff 6.4 CPR PD 52A ar y sail bod rhesymau da a digonol dros wneud hynny. Telerau’r gorchymyn cydsyniad cyfyngedig a gytunwyd rhwng y partïon oedd:
"Caiff Hysbysiad o Benderfyniad yr Ymatebydd, dyddiedig 8 Tachwedd 2023, i gymhwyso Gorchymyn Cofrestru Amodol, ei amrywio drwy hyn yn yr ystyr bod y Gorchymyn Cofrestru Amodol yn cael ei ddiddymu ac, yn ei le, mae’r Ymatebydd yn gosod drwy hyn Gerydd am gyfnod o 2 flynedd (o 8 Tachwedd 2023 tan 7 Tachwedd 2025)."
Mae CGA wedi cytuno i benderfynu ar yr apêl trwy gydsyniad, yn unol â’r telerau a amlinellir uchod, am y pedwar rheswm canlynol:
- Nid oedd y Pwyllgor Priodoldeb i Ymarfer wedi esbonio ei resymau dros osod Gorchymyn Cofrestru Amodol (CRO), na’r amodau a oedd yn ffurfio’r CRO, na sut oedd gosod CRO er lles y cyhoedd;
- Mae’r amodau a osodwyd yn ymwneud yn unig â’r elfennau Anghenion Addysgol Arbennig/Anghenion Dysgu Ychwanegol o’r ffeithiau y penderfynwyd eu bod wedi’u profi, ac nid ag elfennau eraill yr honiad y penderfynodd y Pwyllgor Priodoldeb i Ymarfer eu bod wedi’u profi;
- Roedd yr Apelydd wedi egluro na fyddai’n bosibl iddi gydymffurfio ag amodau ymarfer oherwydd ei bod wedi ymddeol ers mis Medi 2017.
- Mae Cerydd o fewn yr ystod o gosbau priodol er lles y cyhoedd ac er mwyn osgoi ymgyfreitha hirfaith.
Er mwyn osgoi amheuaeth, mae’r Gorchymyn Cydsyniad yn penderfynu ar yr apêl, ac mae’r Apelydd yn cytuno i beidio â mynd ar drywydd y seiliau eraill a osodwyd yn seiliau apêl yr Apelydd. Nid yw’r apêl a’r gorchymyn cydsyniad a luniwyd gan y partïon yn effeithio ar unrhyw un o ganfyddiadau eraill y Pwyllgor Priodoldeb i Ymarfer a amlinellwyd yn ei benderfyniad a roddwyd ar 8 Tachwedd 2023, heblaw am y rhai hynny sy’n ymwneud â’r ‘Gorchymyn Disgyblu’.