Dyfodol AGA yng Nghymru

Yn ei adroddiad ym mis Mawrth 2015 Addysgu Athrawon Yfory, gwnaeth yr Athro John Furlong gyfres o argymhellion i Lywodraeth Cymru ynghylch dyfodol addysg gychwynnol athrawon (AGA) yng Nghymru. O dan Orchymyn Cyngor y Gweithlu Addysg (Achrediad Hyfforddiant Cychwynnol Athrawon) Swyddogaethau Ychwanegol 2017, mae gan CGA gyfrifoldeb statudol i:

• achrediad rhaglenni Addysg Gychwynnol Athrawon (AGA)
• monitro cydymffurfiaeth rhaglenni achrededig yn erbyn meini prawf Llywodraeth Cymru
• tynnu rhaglenni achrediad yn ôl

Yn ogystal ag adroddiad yr Athro Furlong, mae amrywiaeth eang o ymchwil ac adroddiadau wedi helpu i lunio gweledigaeth AGA Cymru yn y dyfodol:

• Adolygiad o Addysg Gychwynnol Athrawon yng Nghymru – Yr Athro Ralph Tabberer, Gorffennaf 2013
• BERA-RSA. 2014. The role of research in teacher education: reviewing the evidence - British Educational Research Association (Saesneg yn unig)
•  Dyfodol Llwyddiannus - Yr Athro Graham Donaldson, Chwefror 2015
• Cymwys am Oes: Cwricwlwm i Gymru – cwricwlwm am oes - Llywodraeth Cymru, Hydref 2015

Mae dyrannu cyfrifoldeb arnym i achredu rhaglenni AGA unigol yn galluogi ystyriaeth fwy penodol o sut y bydd y rhaglenni yn codi ansawdd y ddarpariaeth ac yn denu pobl iawn sydd â'r sgiliau, cymwysterau a'r gallu i addysgu yn iawn i fynd i'r proffesiwn. Bydd rôl Estyn mewn perthynas ag arolygu AGA yn parhau gyda rhai addasiadau i'r gweithdrefnau cyfredol. Bydd yr holl bartneriaethau AGA yn destun i arolygiad llawn gan Estyn yn ystod y cylch achredu yn ogystal ag ymweliad monitro blynyddol gan y Bwrdd.

Cynhadledd UCET 2019 - Addysg Athrawon yng Nghymru: Taith Ddiwygio 

Yn Tachwedd 2019, cyflwynodd yr Athro John Furlong, ynghyd â Dr Hazel Hagger, (CGA), Elaine Sharpling (PCDDS), Rhonwen Morris (Ysgol y Preseli) a Leanne Prevell (Ysgol Gynradd Gelliswick) gyflwyniad ynglŷn â’r daith diwygio addysg athrawon yng Nghymru yn nghynhadledd eleni UCET. 

Ymchwil Ychwanegol

Yr Athro John Furlong - Making Change Happen: The Reform of Initial Teacher Education in Wales

Adroddiad Prifysgol Sheffield Hallam (Saesneg yn unig) - Cysylltu ymchwil ac addysg athrawon - Gwella ansawdd ar gyfer Partneriaethau Addysg Gychwynnol Athrawon

Os ydych chi’n ystyried gyrfa ym maes addysgu yng Nghymru, bydd angen i chi gael statws athro cymwysedig (SAC) trwy astudio rhaglen Addysg Gychwynnol Athrawon (AGA) sydd wedi’i hachredu gennym ni, trwy ein Bwrdd Achredu AGA.

Mae rhaglenni AGA yn darparu addysg a datblygiad proffesiynol athrawon dan hyfforddiant. Maent yn eu paratoi nhw i weithio mewn ysgolion yng Nghymru ac yn darparu’r sylfaen ar gyfer dysgu proffesiynol gydol gyrfa. Mae’r rhaglenni hyn yn seiliedig ar ddysgu sy’n drylwyr o ymarferol ac yn heriol yn ddeallusol, a cheisiant wneud yn siŵr bod athrawon yn ymrwymo i ragoriaeth, proffesiynoldeb ac addysgu o ansawdd uchel.

Rhaglenni sydd ar gael yn ôl darparwr

Monitro rhaglenni AGA

Mae holl raglenni AGA a gynigir gan bartneriaethau yng Nghymru yn cael eu hasesu, gwerthuso a monitro yn erbyn Meini prawf Llywodraeth Cymru ar gyfer achredu rhaglenni Addysg Gychwynnol Athrawon (AGA) yng Nghymru.

Mae’r canllawiau monitro yn amlinellu’r dull cyn, yn ystod ac ar ôl unrhyw weithgarwch monitro.

Bydd Estyn a CGA yn rhannu gwybodaeth a ddarperir gan y partneriaethau i’w harchwilio neu eu hachredu/monitro, i leihau baich diangen ar gyfer y partneriaethau, ac i hysbysu a galluogi gwelliannau o fewn y sector. Bydd cynrychiolwyr CGA ac Estyn yn ffurfio rhan o’r sesiynau adborth ar gyfer ymweliadau achredu, monitro ac archwilio. Bydd y ddau sefydliad yn cael gwybod canlyniadau’r sesiynau hyn yn unol â’n gweithdrefnau rhannu gwybodaeth. Rhennir gwybodaeth yn y modd yma i helpu gwella ansawdd darpariaeth Addysg Gychwynnol Athrawon, a lleihau baich diangen i bartneriaethau.