10:00-12:00, 13 Tachwedd 2025

Yn y digwyddiad yma fe wnaethom edrych ar recriwtio a dargadw yng ngweithlu addysg Cymru.

Fe wnaethom edrych ar y newidiadau o flwyddyn i flwyddyn i recriwtio athrawon, a'r categorïau cofrestru eraill, yn ogystal â'r data dargadw arall. Fe wnaethom hefyd glywed gan ein tîm polisi, wnaeth gymharu recriwtio a dargadw mewn gwledydd eraill.

Ar ôl y cyflwyniad, fe wnaethom groesawu panel o arbenigwyr wnaeth roi mewnwelediadau i recriwtio a dargadw i'w lleoliadau, a'u persbectif unigryw ar y materion a drafodwyd.

Daeth y digwyddiad i ben gyda sesiwn holi ac ateb.

Lawr lwythwch y cyflwyniad o'r digwyddiad.

Gallwch wylio recordiad o'r digwyddiad ar ein sianel YouTube cyn bo hir.

10:30-12:00, 14 Hydref 2025

Mae'r briffiad yn dod yn sgil cyhoeddi Ystadegau Blynyddol y Gweithlu Addysg 2025.

Rhannodd ein cyflwynwyr trosolwg o ddata 2025, gan amlygu prif dueddiadau o'r 13 categori cofrestru, a dros 91,000 o gofrestreion. Am y tro cyntaf eleni, fe wnaeth hefyd gynnwys gwybodaeth ar ymarferwyr dysgu oedolion, a phenaethiaid neu uwch arweinwyr yn gweithio mewn addysg bellach.

Roedd y digwyddiad yma, ar gyfer arweinwyr addysg, gwneuthurwyr polisi, ac uwch staff, yn helpu mynychwyr i ddeall yr ystadegau a chefnogi cynllunio'r gweithlu, strategaeth, a datblygu polisi yn y dyfodol.

Yn dilyn y prif gyflwyniad, cafodd y mynychwyr gyfle i holi cwestiynau ar y wybodaeth a gyflwynwyd.

Gweld y cyflwyniad a ddefnyddiwyd.

Gweld recordiad o'r digwyddiad ar ein sianel YouTube.

 Llwytho trawsgrifiad o'r digwyddiad.

Mae eich Pasbort Dysgu Proffesiynol (PDP) yn fwy na dim ond lle i gofnodi eich DPP. Gall fod yn adnodd pwerus hefyd i greu portffolio personol sy’n arddangos eich sgiliau a’u cyflawniadau.

Fe wnaeth ein gweminar am ddim dangos sut gallwch chi, gan ddefnyddio’r PDP, wneud y canlynol:

• llwytho a threfnu eich profiadau a’ch cymwysterau yn effeithiol
• plannu cynnwys aml-gyfrwng o blatfformau fel YouTube a Canva
• cysylltu eich portffolio â’ch CV, ceisiadau am swyddi, a chofnodion datblygiad proffesiynol
• dylunio tudalennau proffesiynol yr olwg i’ch hyrwyddo chi a’ch gwaith
• rhannu eich portffolio gyda chyflogwyr a rhanddeiliaid

Am y tro cyntaf, rydym wedi rhannu ein gwybodaeth a’n cipolygon o fwy na 25 mlynedd o waith rheoleiddio, gan ddefnyddio’n profiad o fwy na 5,000 o achosion.

Wedi ei dargedu at uwch arweinwyr, cyflogwyr, asiantaethau cyflenwi a llywodraethwyr, bwriad y digwyddiad oedd i ennill cipolwg gwell i’n gwaith a sicrhau gwybodaeth a fydd yn helpu gyda rhyngweithiadau yn y dyfodol â CGA, ac atgyfeiriadau atom.

Roedd y cyflwyniad yn cynnwys:

• enghreifftiau go iawn sy’n rhychwantu 25 mlynedd, bob un ohonynt yn amlygu arfer da neu arfer drwg i fynychwyr fyfyrio arnynt ac er datblygiad mynychwyr
• proses benderfynu CGA o ran priodoldeb i ymarfer, atal dros dro ac asesiadau addasrwydd i gofrestru, gan helpu’r rhai oedd yno i sicrhau dealltwriaeth fanylach o sut gwneir penderfyniad ar y canlyniad
• gwybodaeth berthnasol a defnyddiol i gynorthwyo ag unrhyw ymchwiliadau yn y dyfodol, a rhyngweithio â CGA