Hoffem longyfarch Clybiau Bechgyn a Merched Cymru a Phrosiect Ieuenctid Caerfyrddin Dr Mz ar gyflawni Gwobr Efydd y Marc Ansawdd ar gyfer Gwaith Ieuenctid yng Nghymru. 

Llongyfarchiadau hefyd i Wasanaeth Ieuenctid Cyngor Sir Penfro a Wasanaeth Ieuenctid Cyngor Castell-nedd Port Talbot ar adnewyddu eu Gwobrau Efydd. 

Dymuniadau gorau iddynt ar y daith tuag at y Wobr Arian. 

Oes gan eich sefydliad ddiddordeb mewn ymgymryd ag asesiad Marc Ansawdd? Darganfyddwch fwy yma.

O 1 Ionawr, gall unrhyw athro ysgol a gymhwysodd y tu allan i Gymru ond sydd eisiau gweithio yng Nghymru ymgeisio i gael ei gymwysterau wedi'u cydnabod gan CGA. Mae hyn oherwydd newidiadau deddfwriaethol a gyflwynwyd yn dilyn diwedd cyfnod trawsnewid Brexit. 

Mae'n rhaid i holl athrawon ysgol sy'n gweithio, neu sydd am weithio yng Nghymru gael eu cydnabod fel athrawon ysgol a bod wedi'u cofrestru gyda ni. 

Dysgwch fwy am ymgeisio am gydnabyddiaeth

Rydym newydd gyhoeddi canllaw arfer da sy'n canolbwyntio ar fod yn agored ac yn onest fel gweithiwr proffesiynol.

Mae'r canllaw yn ychwanegu at ein cyfres o ganllawiau arfer da sy'n ategu Cod Ymddygiad ac Ymarfer Proffesiynol CGA. 

Darllen y canllaw arfer da

Fe gyhoeddon ni ein hadroddiad monitro Safonau'r Gymraeg ar gyfer 2019-20 yn ddiweddar. 

Mae'r adroddiad yn amlinellu ein cydymffurfiad â'r safonau, sy'n cwmpasu darparu gwasanaethau, gweithredu, llunio polisi a chadw cofnodion.

Yn yr adroddiad, rydym yn adrodd ar y ffordd rydym ni wedi hyrwyddo'r Gymraeg ymhlith ein cyflogeion ac wrth ymgysylltu â chofrestreion a rhanddeiliaid allanol eraill fel ei gilydd.

Fel sefydliad rydym ni wedi ymrwymo i weithredu a chynnal gwasanaeth dwyieithog llawn i bawb sy'n cysylltu â ni. Rydym ni'n annog defnyddwyr i ddefnyddio'r gwasanaeth hwn trwy: 

• ysgrifennu atom yn y Gymraeg, boed hynny trwy'r cyfryngau cymdeithasol neu e-bost
• cyrchu ein gwefan, e-wasanaethau a'r PLP trwy gyfrwng y Gymraeg 
• cyflwyno unrhyw ffurflenni i ni yn y Gymraeg
• cyrchu ein hyfforddiannau a chyflwyniadau trwy gyfrwng y Gymraeg.

O dan amgylchiadau arferol, rydym hefyd yn darparu gwasanaeth ffôn dwyieithog. Rydym ni'n gobethio ail-ddechrau'r gwasanaeth hwn dros yr wythnosau nesaf. 

Os oes genych unrhyw sylwadau neu awgrymiadau ynghylch ein darpariaeth ddwyieithog a'n dull gweithredu o ran y Gymraeg, mae croeso i chi This email address is being protected from spambots. You need JavaScript enabled to view it.. 

 Darllen ein hadroddiad monitro Safonau'r Gymraeg