Dewiswch eich iaith
Siarad yn Broffesiynol 2025
Peidiwch â cholli eich cylfe i gael eich gtocyn am ddim ar gyfer ein digwyddiad Siarad yn Broffesiynol, gyda'r arbenigwr byd-eang ar AI, yr Athro Rose Luckin. Mynnwch eich tocyn am ddim i 'Cofleidio deallusrwydd artiffisial (AI) mewn addysg: cyfleoedd, heriau ac ystyriaethau moesegol' nawr.
Gwrandawiadau a chanlyniadau
Mae gennym gyfrifoldeb statudol i ymchwilio i unrhyw ymholiadau o ran safonau cofrestrai CGA, trwy ein proses priodoldeb i ymarfer. Mwy o wybodaeth, gan gynnwys gwrandawiadau i ddod, a chanlyniadau gwrandawiadau.
Ffioedd cofrestru
Rydym wedi cyhoeddi diweddariad pwysig ynghylch ffioedd cofrestru blynyddol. Bydd y diweddariad yn effeithio holl gofrestreion CGA.
Newyddion
Teaching Students to Become Self-Determined Learners – Michael Wehmeyer a Yong Zhao
Mae Teaching Students to Become Self-Determined Learners yn edrych ar y dulliau a’r rhesymau am ddysgu hunanbenderfynol ac yn rhoi cyngor ymarferol i gynorthwyo addysgwyr wrth ysgogi eu myfyrwyr i ddod yn ddysgwyr hunanbenderfynol.
Pan fydd oedolion yn dysgu pethau newydd, mae fel arfer oherwydd eu bod yn dymuno gwneud (hynny), neu oherwydd bod y pwnc yn bwysig iddynt. Yn aml ni roddir yr opsiwn hwnnw i blant. Drwy gydol y llyfr hwn, mae Wehmeyer a Zhao yn ymchwilio i bwysigrwydd ymreolaeth a dewis mewn dysgu, gan drafod sut y gall cysyniad dysgu hunanbenderfynol gyrraedd cynulleidfa ehangach o ddysgwyr.
Mae’r llyfr hwn, sydd wedi’i fwriadu i gynorthwyo addysgwyr i roi i fyfyrwyr yr annibyniaeth i lywio eu dysgu eu hunain, yn cynnig strategaethau a thechnegau ynghylch sut y gellir rhoi’r dull ar waith.
Efallai y bydd gennych ddiddordeb hefyd yn…
Ein darlith flynyddol: Siarad yn Broffesiynol 2022 gyda’r Athro Yong Zhao – Myfyrwyr fel perchnogion dysgu a phartneriaid newid addysgol
Yn ein darlith yn 2022, canolbwyntiodd yr arweinydd meddwl rhyngwladol, addysgwr, ac awdur enwog, Yr Athro Yong Zhao, sydd wedi cael clod gan yr adolygwyr, ar ddod â’r dysgwr yn ôl i ganol ymarfer, gan drafod arwyddocâd amrywiaeth dysgwyr, bwriad dysgwyr, ac ymgysylltiad dysgwyr â newidiadau addysgol, yn enwedig ar ôl y pandemig COVD-19.
Leading Futures: Global Perspectives on Educational Leadership – Golygwyd gan Alma Harris a Michelle S. Jones
Mae arweinwyr wedi chwarae rôl sylweddol mewn llwyddiant addysgol erioed, ond wrth i bwysau newydd a chynyddol gael eu rhoi ar ddarparwyr addysg, mae pwysigrwydd arweinyddiaeth dda wedi tyfu hyd yn oed ymhellach.
Gan dynnu ar astudiaeth ryngwladol uchelgeisiol, mae Leading Futures yn cynnig amrywiol safbwyntiau ar arweinyddiaeth addysgol o gyfeiriadau lliaws.
Gan dynnu ynghyd academyddion, llunwyr polisi ac ymarferwyr o bob cwr o’r byd, mae Leading Futures yn cyflwyno syniadau a mewnwelediadau newydd a fydd yn berthnasol ac o gymorth i bob arweinydd ym myd addysg.
Coherent School Leadership: Forging clarity from complexity - Michael Fullan a Lyle Kirtman
Mae Coherent School Leadership yn egluro camau’r llwybr i arweinyddiaeth lwyddiannus drwy ddarparu strategaethau ymarferol a defnyddiol i gefnogi unigolion i gael y gorau allan ohonyn nhw eu hunain, ac o’r rhai y maent yn eu harwain.
Drwy gyfuno fframweithiau profedig fel Fframwaith Cydlyniaeth Fullan, y Coherence Framework a chymwyseddau Kirtman, y 7 Competencies for Highly Effective Leaders, mae’r llyfr hwn yn cefnogi’r darllenydd i newid y diwylliant mewn ysgolion o adweithiol i ragweithiol.
Llyfr hanfodol i arweinwyr ar bob lefel.